Search
fr-FRmk-MKsq-AL

Активности

29 сеп 2017

Битола документирана од браќата Манаки претставена во монографија од Роберт Јанкуловски

Битола документирана од браќата Манаки претставена во монографија од Роберт Јанкуловски

На 29 септември 2017 година, во рамки на меѓународниот фестивал за филм „Браќа Манаки“ во Битола, беше промовирана монографијата „Манаки – приказна во слики“ на фотографот Роберт Јанкуловски.

Приказната во слики за браќата Јанаки и Милтон Манаки е прва монографија од овој тип кој го следи нивниот животен и творечки пат. Монографијата опфаќа 128 репродукции на фотографиите на Манаки, како резултат на 15 годишното истражување на работата на овие фотографски и филмски пионери. Во битолското одделение на Државниот архив на Македонија има над 17 000 фотографии направени од браќата Манаки. Јанкуловски е првиот кој започнал да ги дигитализира и зачувува негативите од оригиналните стаклени плочи. „Битола е повеќе фотографски отколку филмски град“, изјави Јанкуловски за време на промоцијата, зборувајќи за работата на Јанаки и Милтон Манаки во овој регион.

Промоцијата на монографијата беше проследена со прикажување на документарен филм за браќата Манаки и изложба на нивните фотографии.

Програмата за соработка помеѓу Нормадија и Македонија финансиски го поддржа истражувањето и печатењето на монографијата.

Tags:

Name:
Email:
Subject:
Message:
x