Search
fr-FRmk-MKsq-AL

Активности

1 апр. 2017

Одржан форумот „Европски перспективи за локалната самоуправа“ во Битола

Одржан форумот „Европски перспективи за локалната самоуправа“ во Битола

Од 29 до 31 март во Битола се одржа тридневниот форум „Европски перспективи за локалната самоуправа“, кој собра 80 учесници, претставници од општини, министерства, Центри за регионален развој и граѓански организации. Форумот беше официјално отворен од страна на Министерката за локална самоуправа, г-ѓа Ширет Елези.

„Република Македонија својата перспектива ја гледа во Европската Унија, па кон таа цел е добро да се ориентира локалната самоуправа преку спроведување на локалните политики. Локалните власти имаат значајна улога во овој процес“, изјави г-ѓата Елези.
Меѓу другото, на панел дискусиите кои се одржаа за време на форумот учествуваше и Неговата екселенција, г. Кристијан Тимоние, Амбасадор на Франција во Македонија, а свое излагање имаа и г-ѓа Ана Блажеска, Државен секретар во Секретаријатот за европски прашања, г-ѓа Билјана Цветановска - Гугоска, Државен секретар во Министерството за локална самоуправа, г-ѓа Мојца Криспер Фигероа, претставник на Делегацијата на ЕУ во Македонија и г-дин Лазар Котески, градоначалник на општина Новаци.


Партнерите на Соработката помеѓу Нормандија и Македонија исто така беа присутни, меѓу кои и преставниците од збратимените општини. Претставниците на општината Велес ги презентираа добрите практики на нивната соработка со градот Шербур, и претставниците на Центарот за одржлив развој од Дебар ги презентираа проектите спроведени во рамките на соработката помеѓу општината Дебар и Иф во Нормандија.


Покрај тоа, на дискусиите присуствуваа и градоначалници, државни службеници, претставници на меѓународни организации и експерти на тема децентрализација, европска интеграција и ЕУ фондови. Конечно, за време на настанот беа претставени и резултатите од истражување спроведено на темата и беа одржани практични обуки за развивање проекти и изработка на буџет за европски проекти.


Форумот бешее организиран во рамки на Програмата за децентрализирана соработка помеѓу Нормандија и Македонија во соработка со Министерството за локална самоуправа и Секретаријатот за европски прашања.


Tags:

Name:
Email:
Subject:
Message:
x