Во Македонија ќе бидат спроведени четири обуки кои ќе се фокусираат на теми како: алатки за локална демократија, буџетирање и транспарентност при менаџирање со локални фондови, финансирање на граѓански организации со буџетите на локалните власти и раководење со проектен циклус и ЕУ фондови. На обуките ќе присуствуваат вкупно 120 претставници на општини и граѓанското општество.

Првата од четирите обуки кои ќе бидат спроведени помеѓу 23 ноември и 7 декември е во тек во Битола. Обуката „Алатки за локална демократија“, која се спроведува во проектот „Граѓанските организации во служба на локалната демократија“, е ко-финансиран од Децентрализираната соработка помеѓу Нормандија и Македонија, заедно со останатите обуки.

На официјалното отворање на обуките присуствуваа градоначалникот на Општина Новаци, г. Љубе Кузмановски и г-ѓа Калиопа Кривашија Стилиновиќ, почесен конзул на Франција во Република Македонија. За време на обуката беше одржана и информативна сесија за јавниот повик за грантови во рамки на проектот.

Проектот „Граѓанските организации во служба на локалната демократија“ е финансиран од Европската унија преку ИПА програмата за граѓански организации и медиуми 2015. Обуките беа поддржани од Децентрализираната соработка помеѓу Нормандија и Македонија. 

Проектот се спроведува од АЛДА Скопје, Здружението на финансиски работници од Велес и Европското движење.