Импресионирани од убавините на Берово групата од 20 туристи од Ливаро, Франција, денес имаа заедничка средба со градоначалникот на Берово, Драги Наџински, со кој поразговараа за идните можности за соработка. Туристите на Наџински му ја пренесоа својата воодушевеност од она што во изминатите неколку дена го видоа во Берово.

– “ Баравме контакти со луѓето и ги најдовме , сакавме да посетиме убави пејсажи и ги посетивме, исто така се обидовме да имаме една убава соработка и ја најдовме тука и да заклучам многу сме среќни тука “ – истакна Marie Hellene Gireau, водичот на групата туристи од Ливаро. За градоначалникот на Берово, Драги Наџински, оваа соработка е само продолжување на она што започна пред 5 години со потпишаниот заеднички меморандум за соработка кој годинава беше продолжен за уште две години.

“ Наша стратешка цел е да го развиваме туризмот, јас верувам со наше залагање како локална самоуправа, со луѓето од Ливаро, оваа соработка ќе продолжи“, истакна Наџински.

Инаку, посетата на Берово туристите од Ливаро ја продолжија со спортски активности, како љубители на планинските предели тие реализираа планинарски марш по планината Обозна.

Повеќе информации на линкот на Канал плус