Во рамки на активностите помеѓу Иф и Дебар беше организирана студиска посета во Париз на младите претставници од Општинските совети на млади на Иф и Дебар од 6 до 10 март 2018 година. Активностите во оваа соработка се на тема млади и граѓанство и ги вклучуваат младите кои се активни во Општинските совети на млади на Иф и Дебар.

Меѓународната  средба на партнерите  на мрежата Франција - Балкан се одржа на 16 и 17 март 2018 година во Дижон, Франција. На овој настан присуствуваа повеќе од 100 претставници на локалните самоуправи од Франција и земјите од Западен Балкан, претставници на партнерските организаци и млади луѓе кои се дел од соработка помеѓу двете територии. 

Управниот одбор на платформата Франција-Балкан одржа состанок во Париз на 10 ноември 2017 во Министерството за надворешни работи, организиран од областа Виши-Оверњ.

На 13 ноември 2017 година во просториите на општина Коломбел, се оддржа управниот одбор на француските партнери од програмата за соработка помеѓу Нормандија и Македонија.

На 11 ноември 2017 година, во Коломбел, Франческо Зарзана, член на управниот одбор на АЛДА и Марк Потије, градоначалник на Коломбел потпишаа конвенција за партнерство во рамките на програмата за соработка помеѓу Нормандија и Македонија.