Деветтото издание на Францускиот филмски фестивал во Македонија, уште еднаш ја олицетвори страста кон создавањето уметност, младите и слободата на изразување. Од 15 до 18 јуни 2016 година, Францускиот институт во Скопје ѝ понуди на македонската публика богата програма со актуелна тематика.

Од 12 до 15 мај 2016 година, во Струга се одржа семинарот „The first step to become a Youth Worker“. За време на четиридневната обука 12 учесници од Македонија имаа можност да се запознаат со методите за анимирање на млади. Оваа обука беше организирана од Коалицијата СЕГА и спроведена од партнерите од Нормандија, здружението „Avril“ и организацијата „Maison pour tous - Léo Lagrange“ од Шербур.

Осум режисери аматери од Македонија учествуваа на подготвителната работилница за натпреварот „Слобода на изразување во мини-видео“ на 12 и 13 мај 2016 година. Работилницата ја организираше Францускиот институт во Скопје.

Во мај 2016 година, 22 ученици од средното стручно училиште „Ла Рокел“ од Кутанс ја посетија Битола каде се сретнаа со своите соученици од средното училиште Јосип Броз Тито. 

АЛДА и Соработката Нормандија - Македонија организираат Меѓународна летна школа од 25 до 30 јуни 2016 година во Битола.