Од 20 мај 2016 година, Центарот за одржлив развој на заедницата од Дебар свечено ја отвори изложбата посветена на културното наследство на регионот и неговите природни богатства. Во рамките на изложбата беа изложени и приватните збирки на граѓаните од регионот.
Изложбата е поставена во Центарот на култура во Дебар и се состои од предмети од секојдневниот живот од минатото како кујнски предмети, накит, музички инструменти, народни носии итн. Целта на изложбата е да се долови богатството на традициите на различните заедници кои живеат во регионот на Дебар.
Изложбата „Културното наследство на Дебарскиот регион“ е организирана во рамките на проектот „Вкрстено наследство“ на Центарот за одржлив развој на заедницата од Дебар во соработка со градот Иф, Нормандија и Дебар. Овој проект е поддржан од соработката помеѓу Нормандија и Македонија, во рамките на повикот на проекти 2015/2016.