На 13 октомври 2015 година организацијата Horizons solidaires организираше средба на општините од Долна Нормандија кои соработуваат со Македонија во Иф.
На средбата присуствуваа претставници од општините Иф, Шербур, Флери-сур-Орн и Ливаро. За време на средбата се дикутираше за бројните сегашни и идните активности на општините од Долна Нормандија и Македонија.
Претставниците на општините разговараа исто така и за политичките случувања во Долна Нормандија и Македонија и промените кои ќе се случуваат на двете територии во следниот период како што е спојувањето на Долна и Горна Нормандија и претстојните парламентарни избори во Македонија.
Општините од Долна Нормандија се многу задоволни од соработката со Македонија и покажаа голем ентузијазам за да продолжат со заеднички активности и покрај неизвесните политички промени.
Организацијата Horizons solidaires која ја организираше оваа средба е координатор на соработката помеѓу локалните власти во рамки на Соработката Долна Нормандија – Македонија.