Активности

29 апр. 2016

Претставата „Шепотењето на Антигона“ одиграна во Нормандија

На 28 и 29 април 2016 година, младите актери од Дебар и Иф ја одиграа претставата „Шепотењето на Антигона“ во Иф и Флери-сур-Орн, во рамките на Единаесетото издание на фестивалот Балканска пролет организиран од организацијата Балкан-Транзит во Нормандија, Франција. Ова е трета средба на младите од градовите Иф, Флери-сур-Орн и Дебар кои започнаа со соработката во август 2015 година.

26 апр. 2016

Промоција на стратегијата за заштита на старото градско јадро во Охрид

На 26 април 2016 година, во општина Охрид се одржа промоција на стратегијата за заштита на културното наследство на старото градско јадро во Охрид. Претседателката на советот на општина Охрид ја претстави стратегијата пред бројни заинтересирани чинители. Стратегијата е резултат на двегодишната заедничка соработка и размена на искуства на темата за заштита на културно наследство со градот Каен, Нормандија. Претставници од градот Каен присуствуваа на промоцијата на стратегијата.

25 апр. 2016

Работилници за Првата светска војна во Македонија за двојазичните паралелки

Оваа година Францускиот институт во Скопје организира работилници на француски јазик посветени на Првата светска војна во Македонија. Тие се наменети за средношколците од двојазичните француско - македонски паралелки од Македонија. Целта на работилниците е да се поттикне љубопитноста кај младите за настаните што се случувале во нивната земја пред 100 години.

25 апр. 2016

Ученици од Вир и Битола во посета на терените од Првата светска војна во Македонија

Средните училишта Жан Мермоз од Вир, Нормандија и Јосип Броз Тито од Битола веќе 8 години соработуваат на тема „Сеќавање, мир и помирување“ на тема Прва и Втора светска војна. Од 18 до 25 април 2016 година, 15 ученици од градот Вир, Нормандија ја посетија Македонија за да го откријат фронтот од Првата светска војна во Македонија и неговата историја.

19 апр. 2016

Претставници од македонските институции во посета на Нормандија на тема: младински активности

Два претставници од македонските институции задолжени за младински активности ја посетија Нормандија да се запознаат со институциите кои работат со млади во регионот.
Од 17 и 21 април 2016 година тие беа во посета на организацијата „Maison Pour Tous Léo Lagrange“ од Шербур и здружението „AVRIL“, партнери на Коалицијата СЕГА во рамките на проектот „Јавна политика за Млади“.

RSS

1 2