Активности

21 окт. 2014

„Адвокатот и правната држава“ – обука за адвокатите од Македонија во Каен

На 18 и 19 октомври 2014 година, неколку македонски адвокати престојуваа во Франција со цел да се сретнат со своите француски колеги и да разговараат за положбата на адвокатите во правниот систем на една држава.

18 окт. 2014

Комитет за стратешко планирање – Дефинирање на следната година од соработката ДН/МК

На 17 октомври 2014 година, институционалните партнери на соработката Долна Нормандија / Македонија одржаа средба во Каен со цел да ја утврдат стратегијата на соработка на двете територии во претстојната фаза на програмата. Комитетот за стратешко планирање служи како советодавно тело кое се грижи за севкупниот процес на соработката и идентификување на потребите на партнерите согласно со меѓународната политика на Регионот Долна Нормандија и Република Македонија.

5 окт. 2014

Панта театарот од Каен влегува во соработката Долна Нормандија/Македонија

Во рамки на Соработката Долна Нормандија/Македонија започна нова соработка во доменот на културата со ПАНТА театарот од Каен околу проектот насловен „Пишување и режија, денес; фестивал на современи дела“. Овој проект е интересна размена помеѓу 2 земји кои разменуваат драматурзи, режисери и актери. Целта е промоција и истражување на современи авторски дела кои ќе бидат претставени пред публика. Фестивалот овозможува истражување на современи текстови и создавање на нови начини на интерпретација соочувајќи публика и автори од различни земји.

26 септ. 2014

Средба на збратимените градови од Долна Нормандија во Флери

Градовите од Долна Нормандија кои соработуваат со Македонија, имаа средба на 24 септември во Флери. Состанокот го организираше „Солидарни хоризонти“, асоцијација задолжена за соработката на општините во Долна Нормандија. Средбата беше одличен повод да се разменат идеи за иднината на соработката на градовите, но и да се дефинираат нови теми и активности за работа.

23 септ. 2014

Вевчани и Ерманвил ја зајакнуваат соработката

Општината Вевчани и општината Ерманвил најавија засилено продолжување на нивната соработка за време на работните средби меѓу двата града, одржани на 21 и 22 септември 2014 година. Двајцата советници од Ерманвил, Пјер Шмит и Роже Ије, се сретнаа со новиот градоначалник на Вевчани, Цветомир Угриновски и разговараа за идните теми и активности на работа.

RSS

First Previous 36 37 38 39 40 41 42 43 44 45 Next Last